«Երևակայության խաղեր» և «Արևիկի ու Մաքսիմի ընկերների ակումբը» տարբեր ճակատագրեր, հետաքրքրություններ, կյանքի փորձ ունեցող երեք սերունդների հեղինակների գրքեր են: Նրանց միավորում է անձի ձևավորման, ընտանեկան արժեքների վերաբերյալ ընդհանուր մոտեցումը: Գրքի գլխավոր հերոսները մանկահասակ անձնավորություններ են, բաց՝ անկեղծ երկխոսության համար, արժանի՝ վստահության, հոգատար, հարգալից վերաբերմունքի իրենց հանդեպ, մանկական զգացումների, անուրջների ու ստեղծագործության նուրբ ու փխրուն աշխարհի նկատմամբ:
Իրադարձությունները տեղի են ունենում 2198 թ.: Ջուլյա Վեքսլերը ε-գալակտիկայի մոգության դպրոցի լավագույն աշակերտուհին է: Դպրոցը ավարտելուց հետո նրան պրակտիկայի են նշանակում ω-գալակտիկայում՝ օդաչուների հրամանատար Ջեկ Բլեքի ուղեկցությամբ: Սակայն հանգամանքները փոխվում են: Ջուլյային ուղարկում են Երկիր՝ որպես երկրացիներին անցյալ տեղափոխելու ծրագրի մասնակից: Ո՞վ է Ջուլյա Վեքսլերը: Ինչո՞ւ է նրան հետապնդում մոգության դպրոցի ղեկավարությունը, և ինչպե՞ս նրան հաջողվեց իրեն պաշտպանել դեռահասների աջակցությամբ:
Գրքի հերոսները երեխաներ են: Ցանկացած տարիքում նրանք մեծերի ուշադրության, հասկացողության, հոգատարության և աջակցության կարիքն ունեն: Երեխաները նրբորեն են զգում կեղծավորությունը և չեն ներում դավաճանությունը: Սեր, ընկերություն և ամուր ընտանիք՝ ահա նրանց երջանկության բաղկացուցիչները: Եվ հանուն դրա նրանք ընդունակ են խենթության:
