Гадел Кутуй

Дошманга каршы сугышырга фронтка китәр өчен, 13 яшьлек малай ни эшләргә тиеш? Куркуын җиңәргә өйрәнергә, моның өчен караңгы урамнарда, зиратларда йөрергә; язын абага чәчәк аткан төндә урманга барып, күренмәс кешегә әйләнергә; кара эчле галим тозагыннан ычкынырга; поездга утырып, фронт сызыгын үтәргә; үзенә яңгыравыклы тәхәллүс алырга һәм… күренмәвеннән файдаланып, дошманның котын алырга тиеш. Китапта болар барысы да тәфсилләп язылган.