Die verteller in hierdie ambisieuse, uitdagende debuutroman is ’n polisieman wat in die brandende townships van die jare tagtig diens doen. Dit is ’n lewe op die randjie van die afgrond, en daarom is sy eerste lewensbeginsel: Hou altyd die laaste patroon vir jouself. Dit is met sy opleiding in sy bewussyn ingestamp – Reël Nommer Een. Die vertelling begin in die skadu van Reël Nommer Een: Die verteller sit verstar in ’n polisievoertuig en staar na ’n oproerige skare wat met pangas en assegaaie op...
